Surat Tu Oma dohot Bapa Ku

Mandapothon
Oma ku dohot Bapa ku,
di : Huta

Oma...
nga tung masihol huhilala,
biasana molo marsahit au adong do oma mangalean au mangan,
mandongani au lao modom,
jala mangalean obat asa lam tumibu malum parsahiton ni boru mon.
Hape dung dao au sia oma, danga adong be mangaradoti au tikki marsahit,
nungga pola 4 ari au peak di podoman oma,
mangan pe ikkon au ma mangalului sandiri,
molo naeng minum au, tong au mambuat sandiri.
Tung hancit do hape oma molo nga dao au sian lambungmi.
Sai ilu ku ma maraburan molo huingot do sude tikki haetehon ki,
sude na diparade oma do asal ma boi hami anakkon mon mekkel jala sonang.
Andigan ma boi pasonangonku hamu na oma?
Tangiangkon hamu na ma au boru muna on oma,
asa anggiat tumibu malum parsahiton kon,
asa tor boi au mulak mandapaothon hamuna.
Paima ma au oma, mulak ma au lao manjumpangi hamu..
Satokkin pe nga tung mansai las roha ku oma,
asalma boi hu ida bohi muna i,
jala boi huallang lompa-lompa mi da oma....

Sian au,

Boru Panggoaranmu